Bydd Hitachi Rail yn cynnal 'Diwrnod Agored' Railway 200 ddydd Sadwrn 4ed Hydref yn ei ffatri yn Newton Aycliffe, fel rhan o'r dathliadau cenedlaethol i nodi 200 mlynedd ers geni'r rheilffordd fodern.
Mae tocynnau i fod ar werth ddydd Gwener 16eg Mai am 9:00am. Oherwydd bod nifer cyfyngedig ar gael, fe'ch cynghorir i archebu'n gynnar ar 16.ed Mai i sicrhau lle.
Dyma fydd y tro cyntaf i Hitachi Rail agor drysau eu ffatri yn y DU i'r cyhoedd, gan gyd-daro â 10 mlynedd ers agor y ffatri.
Mae'r digwyddiad yn addo cipolwg unigryw, y tu ôl i'r llenni, ar un o gyfleusterau gweithgynhyrchu trenau mwyaf datblygedig y DU, ochr yn ochr ag amrywiaeth o weithgareddau treftadaeth a gweithgareddau sy'n addas i deuluoedd a gynlluniwyd i ddathlu gorffennol, presennol a dyfodol y rheilffyrdd.
Mae atyniadau’n cynnwys:
- Replica Rhif 1 o Lomomotion – bydd y locomotif cyntaf yn y byd i redeg ar reilffordd stêm gyhoeddus ar y safle, gyda photensial ar gyfer tynnu lluniau a theithiau ar drac prawf Hitachi.
- Trên Arddangosfa Rheilffordd 200 'Ysbrydoliaeth' – arddangosfa deithiol ryngweithiol sy'n arddangos yr ystod eang o yrfaoedd sydd ar gael yn y diwydiant rheilffyrdd modern
- Teithiau ffatri – yn cynnig cyfle prin i weld trenau arloesol Hitachi o agos, a siarad yn uniongyrchol â'r tîm sy'n eu gwneud.
Bydd y Diwrnod Agored hefyd yn cynnwys stondinau bwyd, gweithgareddau teuluol, arddangosfeydd a sgyrsiau treftadaeth, a'r cyfle i gwrdd â rhai o'r bobl sy'n llunio'r genhedlaeth nesaf o deithio ar y rheilffordd.