Ymunwch â ni am daith hynod ddiddorol drwy hanes Rheilffyrdd Trevithick a Merthyr! Bydd y daith dreftadaeth hon yn mynd â chi yn ôl mewn amser i archwilio hanes rheilffordd cyfoethog Merthyr Tudful. Gwisgwch eich esgidiau cerdded a pharatowch i gamu'n ôl mewn amser!
Ar 21 Chwefror 1804, cynhaliwyd y siwrnai stêm gyntaf erioed yma ym Merthyr – dechrau’r “Oes Rheilffordd”. Eleni mae Railway 200 ar draws y DU i ddathlu taith gyntaf teithwyr yn Stockton a Darlington. Mae Partneriaeth Rheilffordd Gymunedol y Tri Chwm yn dathlu ein hanes lleol drwy gydol 2025.