Mae’r Ymddiriedolaeth Treftadaeth Rheilffyrdd yn dathlu ei 40ed penblwydd eleni. Mae’n gwmni dielw sy’n dyfarnu grantiau i adeiladau a strwythurau treftadaeth reilffyrdd sydd wedi’u rhestru neu mewn ardaloedd cadwraeth, ac sy’n asedau Network Rail. Yn yr hanes 40 mlynedd hwnnw mae wedi dyfarnu dros 2000 o grantiau gwerth mwy na £70 miliwn. Mae’r lleoedd sydd wedi elwa yn amrywio o Bont Reilffordd y Forth yn yr Alban, i Orsaf Peckham Rye yn ne Llundain, ac Amgueddfa Hopetown a agorwyd yn ddiweddar yng Ngorsaf Darlington North Road.
I ddathlu ei 40ed pen-blwydd, mae’r Railway Heritage Trust wedi trefnu arddangosfa deithiol y gellir ymweld â hi mewn 5 lleoliad ar draws Prydain yn ystod Ebrill, Mai a Mehefin. Mae’r arddangosfa’n cynnwys dim ond 40 o’r 2000 o brosiectau hynny, ac maent yn dangos sut y gall gofalu am ein treftadaeth reilffyrdd drawsnewid y lleoedd hynny i bobl a’u cymunedau. Yn y flwyddyn hon o Railway 200, sef dathliad 200 mlynedd o reilffordd teithwyr ym Mhrydain, mae'n bwysig dangos pa ran bwysig y mae rheilffyrdd, a threftadaeth rheilffyrdd yn arbennig, yn ei chwarae yn ein bywydau.
Dywedodd Tim Hedley-Jones, Cyfarwyddwr yr Ymddiriedolaeth Treftadaeth Rheilffyrdd: “Rydym yn falch iawn o’r hanes hir o gefnogaeth y mae’r Ymddiriedolaeth wedi’i rhoi i dreftadaeth reilffyrdd ym Mhrydain. Rydym yn falch o allu arddangos 40 o’r prosiectau gorau rydym wedi’u cefnogi sy’n dangos sut y gall gofalu am ein treftadaeth drawsnewid bywydau pobl, cymunedau a’r lleoedd y maent yn byw ynddynt. Darparu’r grant yw’r rhan hawdd – rhoi’r cynlluniau at ei gilydd, rheoli’r gwaith a sicrhau bod gan dreftadaeth reilffyrdd ddyfodol cynaliadwy yw’r rhan anodd a diolchwn i bawb sydd wedi cyflawni’r prosiectau hyn.”
Gellir ymweld â'r arddangosfa yn y lleoliadau canlynol:
- 7-18 Ebrill 2025: London Waterloo
- 23 Ebrill-2 Mai 2025: Bristol Temple Meads
- 7-16 Mai 2025: Aberystwyth (Rheilffordd Cwm Rheidol)
- 19-30 Mai 2025: Gorsaf Efrog
- 2-13 Mehefin 2025: Gorsaf Waverley Caeredin